LENTSOE LA BASOTHO

LESOTHO TODAY

Re tlisa litaba ho basotho

HOME
LITABA
NEWS
- REGIONAL NEWS
- AROUND THE WORLD
LIPAPALI
BA RENG BATHO
ADVERTS

Search for:

Home
SUBSCRIBE

LIPAPALI

LIPAPALI

Mokhatlo oa Cricket o thakela bakoetlisi ka malebela

SUBSCRIBE

Your name

Your email

Search

Litaba tse ncha

Makala a ‘muso a tšohla meralo ea tšebetso
Bahlahisi ba likobo, mesamo le liaparo ba una molemo
Lekala le hlahloba maano a marang-rang
Sepetlele sa Setereke sa Maseru se’a buloa
Mphomela lilemo li hlano ntloana-tšoana
Litlaleho tsa makhotla
Morena o re setotsoana se epolloe
TK o etellapele kotulo ea mariha
Litereke tse amehileng ke komello li una molemo
Major Ramoepane o fana ka bopaki.

PROUDLY BASOTHO

Seho se llile

Nako ea temo ea mariha e atametse, ‘me sechaba se lokela ho tsoha molota, esita le ho lula se le malala-a-laotsoe ho ikakhela ka setotsoana temong ea mariha e le ho fenya tlala.

Ho nyoloha hoa litheko tsa lijo ke e ngoe e lokelang ho susumetsa Basotho ho itlhahisetsa lijo ka bongata.

`Muso oa Lesotho le oona o ikemiselitse ho phallela lihoai ka 70% thekong ea lipeo, le 80% thekong ea manyolo temong ea mariha monongoaha.

Taba ena e khothatsa haholo, ‘me tebello ke hore lihoai li tla ikakhela ka setotsoana ho atlehisa temo ena, e le hore tlhahiso e tle e thuse naha ho bokella lijo-thollo tse tla etsa hore litjeo tsa lijo li theohe.

Sena re lumela se tla thusa Basotho hore ba tsebe ho ba le seo ba se jang, kaha morao tjena ho shebahala Basotho ba robala ba itsosa ka lebaka la litjeo tse holimo tsa lijo.

Leha taba ena e khothatsa hakaalo e se e ka `muso o ka inahanela ho khahlametsa sechaba ka litjeo tsa litlhoko tsohle tsa mantlha, tse kenyelletsang phoofo, metsi le motlakase har’a tse ling.

Sena se ka bebofaletsa sechaba bophelo le ho se fa morolo, kaha ho tla ba le phetoho e kholo, moruo o tla hola, ‘me bohle ba be matjato ho kenya letsoho katlehisong ea lintlafatso ho ntšetsa naha pele.

Ha re hetla morao, re bona hore ho bile le komello e kholo e hlorisitseng sechaba, kaha lijalo li ile tsa omella haholo, ‘me ha e-ba le tahlehelo e kholo temong ea lehlabula.

Re rata hore hona e be thuto ho rona re le sechaba hore ke nako ea ho tsetela haholo temong, e le hore ha tahlehelo e ba teng re be le ho re sallang hore re ‘ne re phele, kaha Sesotho se hlakile hore mphe-mphe ea lapisa, motho o khonoa ke sa hae.

Re boetse re bona e le nako eo bohle re lebelletseng phetoho litjeong tsa lijo tse kenyelletsang tamati, liapole le mahe, kaha ho entsoe phatlalatso ea hore li tla boela li buleloa ho kena kahar`a naha.

Likhoeli tse fetileng tse ‘maloa li bile boima ka ha litjeo tsa tamati le mahe li ile tsa nyoloha, ‘me Basotho ba bangata ba imeloa ho li fumanela ba malapa a bona.

Leha ho le joalo, Lentsoe la Basotho le thoholetsa ‘muso ka ho bona hore Basotho ba rekisa tamati le liapole tseo ba itlhahiselitseng tsona pele.

Re bone ha ‘muso o hopola ho beha Mosotho pele, ‘me re motlotlo ke hona. Re boele re thoholetse lihoai tsa habo rona, hobane re bone hore ha re ka tiisa ehlile Lesotho le ka atleha ho iphepa. ‘Me re hopole hore taba ena e ka tlisa phethoho mafapheng a fapakaneng.

E se e ka Molimo a ka hlohonolofatsa Lesotho le Basotho, hoa rena nala.